Tumulong...

 TUMULUNG NAMAN!

Pag anak ka rin, kapatid, pamangkin, etc ng pasyente o may sakit o ng namatay, dapat tumulong ka. Huwag lang umasa sa ilang relatives na generous o "may kaya". May pananagutan ka rin. Huwag lumigtas o tumakas.

Pag may expense sa family na dapat pag-ambag-amabagan, lahat ay dapat tumulong; hindi lang yung "mayaman" o maluwag o generous --- or worse, yung "wala namang asawa/anak/pamilya." (Yun ngang walang pamilya ang hindi dapat laging pitasan para maka-save naman kasi nga, "walang sariling pamilya." Sino ang tutulong sa kanila kung sakali?)

Yung mga hindi tumutulong, niloloko ang sarili nila sa myth na "mayaman naman si ate" o "kayang-kaya naman ni kuya" o "eh wala talaga akong kaya."

In helping, every willing heart finds ways; every unwilling heart offers excuses.

Mga magkakapamilya:

Huwag laging asahan ang naasahan.

Huwag laging pagastusin ang gumagasta.

Huwag laging hingan ang nagbibigay.

Hindi como tahimik lang na nagbibigay ay kayang-kaya na nga o hindi dinaramdam.

Huwag mang-dedma ng family problems and needs at umasa na lang sa responsible relative. Everyone in the family must help, sa extreme abot-kaya.

"Talo" kasi ang responsable. Talo ang hindi nakakatiis. 

"Panalo" ang mga nagmamang-maangan at nagbubulag-bulagan; lumiligtas sila sa gastos o pagod.