Real talk ulit. Kung tinamaan ka sa Part 1, mas tatamaan ka dito.
8 ORAS KA NAGTRABAHO, 4 ORAS KA NASA BYAHE.
Alas 4 gising mo, alas 8 ka na makakarating. Pag-uwi mo alas 9 na ng gabi. Tulog ka na lang pagdating mo. Nasaan pa buhay mo dun? Buhay ka para magtrabaho at bumyahe, hindi para mabuhay.
RENT PA LANG, SAHOD MO NA.
Boarding house 5K, tubig kuryente 2K, pamasahe 3K. Sahod mo 15K. Wala ka pa kinakain, ubos na. Kaya kahit anong kayod mo, parang wala kang pinagpaguran. Nagbabayad ka lang para makapasok sa trabaho.
GAMOT AT OSPITAL, PANG MAYAMAN NA LANG. PAG WALA KANG DOWN, DI KA AASIKASUHIN.
Trangkaso ka lang, 5K na gastos mo sa checkup at gamot. Na-ER ka, 20K agad bill. At pinaka masakit, pag wala kang pang-down, tititigan ka lang. Maghihingalo ka na, hahanapan ka pa ng deposito. Hindi dahil matapang kaya tinitiis sakit, walang pambayad kaya tinitiis mamatay na lang.
PURO CONTRACTUAL, WALANG SECURITY.
6 months lang kontrata mo. Pag malapit ka na ma-regular, tatanggalin ka, palit bago. Para walang benefits. Para walang 13th month na buo. Paano ka magpaplano ng buhay kung every 6 months kabado ka kung may trabaho ka pa?
SKILL MO, HINDI BINABAYARAN NG TAMA.
Welder, tubero, elektrisyan, mekaniko - sa ibang bansa 100K sahod. Dito sa Pinas, 700 per day. Kaya lahat ng magagaling, umaalis. Tapos magtataka gobyerno bakit walang naiwan na skilled worker.
ANAK NG MAYAMAN, MANAGER AGAD. ANAK NG MAHIRAP, UTUSAN HABAMBUHAY.
Hindi na skills labanan ngayon. Padrino labanan. Kahit wala alam, basta may backer, mataas posisyon. Ikaw na masipag at magaling, hanggang doon ka na lang kasi wala ka kilala.
SAHOD MO, HINDI NA PANG BUHAY, PANG BAYAD NA LANG NG UTANG.
Dati sahod mo pang gastos. Ngayon sahod mo pang bayad ng utang na ginamit mo pang gastos nung nakaraan. Sweldo pa lang, may may-ari na agad. GCash, lending, credit card, 5-6. Trabaho ka ng isang buwan, pero isang araw lang sayo pera mo. Iikot ka na lang sa utang habambuhay.
GOBYERNO LAGING LATE, MAMAMAYAN LAGING NAGHIHINTAY.
Ayuda late. Project late. Sahod ng teacher late. Pero singil ng tax, on time. Putol ng kuryente, on time. Penalty, on time. Sa kanila pwede late, sayo bawal.
BILIHIN TAAS NG TAAS, PERO MAMAHALIN MO KASING GASTOS, TAAS PA RIN.
Nagmahal na lahat, pati pangarap mo nagmahal. Dati pangarap mo makabili ng motor. Ngayon pangarap mo na lang makabayad ng utang. Hindi ka na nangangarap yumaman, nangangarap ka na lang makaraos sa isang araw.
PAGOD NA PAGOD KA NA, PERO SASABIHAN KA PA RIN NA TAMAD KA.
Ito pinaka masakit. Ginawa mo na lahat. Pumasok ka araw-araw, nag-OT ka, hindi ka nagreklamo. Pero pag naghirap ka pa rin, sasabihin sayo "Kasi tamad ka, kasi wala kang diskarte."
Hindi ka tamad kapatid. Pagod ka lang. Sawang-sawa ka na sa sistemang pinapagod ka pero hindi ka pinapayaman.
KAYA ANO GAGAWIN MO?
Huwag ka na umasa na may magliligtas sayo.
Yung sistema na yan, hindi yan babaguhin ng mga nakikinabang dyan.
Kaya ikaw mismo gumawa ng sarili mong sistema.
Hustle Over Slavery - H.O.S
#hustleoverslavery
No comments:
Post a Comment