Grave treat

 ANO NGA BA ANG PAGKAKAIBA NG GRAVE THREAT SA CONDITIONAL THREAT? 🤔

Pag usapan po natin ito, mga Ka-G ko, dahil marami na po ang nagtatanong saakin tungkol sa isyung ito. 🤔

Mayroon po tayong dalawang uri ng Grave Threat o matinding pananakot, na nakasaad sa Article 282 ng ating Revised Penal Code: 🤔

1. Unconditional Grave Threat - kapag nanakot kayo na gagawa kayo ng isang krimen laban sa isang tao, sa reputasyon o ari arian nito. 🤔

Halimbawa po, kung sinabihan ninyo ang kaaway ninyo na papatayin ninyo ito. 🤔

2. Grave Threat with a Condition - kapag nanakot kayo na gagawa kayo ng isang krimen laban sa isang tao, sa reputasyon o ari arian nito; 🤔

Kapag hindi nito ginawa ang pinapagawa ninyo dito. 🤔

Halimbawa po, kung sinabihan ninyo ang kaaway ninyo na papatayin ninyo ito, kung hindi parin ito magbabayad ng utang sayo. 🤔

Kung pag aaralan po ninyo ang batas na ito mismo, mapapansin ninyo; 🤔

Na wala sa batas na ito ang eksaktong ginawa ng Pangalawang Pangulo sa naging viral na video nito. 🤔

Dahil isang Conditional Grave Threat po ang ginawa nito, at magkaiba po ito sa Grave Threat with a Condition na nakasaad sa batas mismo. 🤔

Ang Conditional Grave Threat po kasi ay natural na ayaw mong gawin ng kalaban mo ang kundisyon na nakapatong sa pananakot mo. 🤔

Samantalang ang Grave Threat with a Condition ay natural na gusto mong gawin ng kalaban mo ang kundisyon mo na nakapatong sa pananakot mo. 🤔

Sa madaling salita po, magkaiba ang pahayag na;

"Papatayin ko na kayo kung hindi mo parin babayaran ang utang mo;" 🤔

Sa pahayag na "Sige, pag pinatay mo ako, papatayin karin ng mga tauhan ko." 🤔

Ang problema po sa argumentong ito, ay wala pa pong sitwasyong ganito na umabot sa Korte Suprema upang desisyunan na ng pinal ito. 🤔

1. Kaya ito po ang dahilan kung bakit ang nagiging argumento lagi ng prosecution dito; 🤔

Ay maituturing na Grave Threats with a Condition parin ang ginawa ng Pangalawang Pangulo; 🤔

Dahil pare-pareho lang dapat ang trato ng batas sa lahat ng mga kundisyon, gusto mo man o ayaw mong gawin ito ng tinatakot mo. 🤔

2. Kaya ang malamang na magiging depensa po ng mga abugado ng Pangalawang Pangulo; 🤔

Ay gagamitin nila ang doktrina ng Korte Suprema sa Israel vs. People na kaso; 🤔

Kung saan maliwanag na sinabi ng Kataastaasang Hukuman, na hindi lahat ng pananakot ay maituturing mong Grave Threat kaagad ito. 🤔

Dahil ang Grave Threat, para maging isang krimen, ay dapat may makikitang criminal intent sa parte ng nananakot mismo; 🤔

At hindi lang ito dala ng emotional outburst, o bugso ng damdamin, dahil sa matinding sama ng loob o galit na nararamadaman nito. 🤔

Kaya ito po ang dahilan kung bakit pinipilit ng prosecution na may kinontact talagang mamamatay tao ang Pangalawang Pangulo; 🤔

Upang ipakita sa impeachment trial na hindi na ito bugso ng damdamin, kundi may criminal intent na talaga ang Pangalawang Pangulo. 🤔

At ito naman po ang dahilan kung bakit laging sinasabi ng depensa, na ang nagsasalita sa video ay hindi lang isang Pangalawang Pangulo; 🤔

Kundi isa ring anak, ina, asawa, at kapatid, na galit na galit dahil ang pakiramdam nito ay trinaydor ng isang inaakalang kakampi at kaalyado. 🤔

Ayan, sana po ay maliwanag na ito sainyo, anuman po ang kulay ng pulitika ninyo. 🫡

#attyg

#attygbehindthenews 

#impeachmenttrial 

#saraduterte

#gravethreat

#photocredittotheowner