Ang unang hakbang ay ang magbigay ng pormal na written notice na humihiling sa tenant na bayaran ang lahat ng kanyang obligasyon sa loob ng itinakdang panahon. Kung hindi pa rin siya tumupad, maaari nang magbigay ng kaukulang notice upang wakasan ang kontrata kung naaayon ito sa inyong napagkasunduan at sa batas.
Kung tumanggi pa ring umalis ang tenant matapos ang mga notice, ang susunod na hakbang ay dumaan sa barangay conciliation kung ito ay kinakailangan. Kapag hindi pa rin nagkaroon ng kasunduan, maaari nang magsampa ng kaukulang kaso sa korte upang legal na mapaalis ang tenant.
Mahalagang tandaan na hindi dapat putulan ng tubig o kuryente ang tenant, palitan ang kandado, kunin ang kanyang mga gamit, o piliting paalisin siya nang walang legal na proseso. Ang ganitong mga hakbang ay maaaring magdulot ng pananagutan sa landlord.
Mas madaling protektahan ang iyong karapatan kung mayroon kang malinaw na Contract of Lease, kumpletong records ng bayad, at maayos na dokumentasyon ng lahat ng komunikasyon at notices. Bilang landlord, ang pagsunod sa tamang proseso ang pinakamabisang paraan upang maresolba ang problema nang legal at maiwasan ang mas malaking komplikasyon.
No comments:
Post a Comment