Gusto ko lang mag-shoutout sa mga POLITIKO diyan na ang bibilis pumuna at pumanig sa mga sumbong ng bantay at pasyente. Kesyo masusungit daw kami, ang tagal daw namin gumalaw, ang tagal ng check-up, o hindi inaasikaso ang pasyente.
Madali lang naman magturo ng daliri kapag nakaupo kayo sa malamig niyong opisina, 'di ba? Pero subukan niyong bumaba dito sa ground zero.
Para sa mga opisyales na mahilig kaming pagalitan in public for "grandstanding," ito ang real talk:
1. Magbukas kayo ng Plantilla, hindi puro Job Order!
Nagrereklamo kayo na mabagal kami? Sir/Ma'am, ang ratio namin minsan 1 Nurse is to 30-50 Patients! Tao kami, hindi kami octopus na walo ang kamay. Kung gusto niyong bumilis ang serbisyo, mag-hire kayo ng sapat na Doctors at Nurses na may tamang sweldo at benepisyo, hindi yung puro kayo contractual na delayed pa ang sahod!
2. Ibigay niyo yung Aircon niyo sa Waiting Area!
Sinisisi niyo kami kung bakit mainit ang ulo ng mga pasyente at bantay? Kayo kaya maghintay ng limang oras sa waiting area na parang oven sa init, tignan ko kung hindi uminit ulo niyo! Yung budget niyo sa renovation ng opisina niyo, ibili niyo ng ventilation at maayos na upuan para sa mga tao. Kapag komportable ang pasyente habang naghihintay, hindi sila magiging iritable sa amin.
3. Gamot at Gamit, Huwag Puro "Libre" sa Tarpaulin!
Ang lakas niyong mag-announce na "Libre ang Pagamot," pero pagdating sa ospital, pati hiringgilya, bulak, at guwantes, pinapabili namin sa pasyente sa labas kasi WALANG STOCK! Kami ang minumura ng tao dahil akala nila tinatago namin ang gamit, pero ang totoo, wala naman talaga kayong pondo na binababa! Nakakahiya na kami ang taga-lista ng bibilhin nila sa botika habang nakapaskil mukha niyo sa labas ng ospital.
4. Itigil niyo ang VIP Treatment at Palakasan!
Eto pa isa. Tatawag kayo sa amin, iuutos niyo na unahin yung "kamag-anak ni Kapitan" o "bata ni Mayor" na simpleng ubo lang naman, samantalang may mga pasyente kaming nag-aagaw buhay na nakapila. Tapos kapag hindi namin inuna yung VIP niyo, kami pa ang masama? Kayo ang sumisira sa Triage System!
5. Ayusin niyo ang Facilities!
Yung mga CR ng pasyente, walang tubig o sira ang pinto. Yung mga kama, kalawangin na. Yung X-ray machine, laging "Under Maintenance." Paano kami makakapagbigay ng quality service kung ang tools namin, panahon pa ng kopong-kopong?
Kaya sa susunod na may magsumbong sa inyo na "masungit" ang nurse o "mabagal" ang doktor, tanungin niyo muna ang sarili niyo: Binigay niyo ba ang sapat na suporta para magawa namin ng maayos ang trabaho namin?
Huwag niyo kaming gawing shock absorber ng kapalpakan ng sistema niyo. Hindi kami ang kalaban ng taumbayan. Kayo ang may hawak ng pondo, kami lang ang nag-aabono ng pasensya.
#CagayanConfessions
#HealthWorkerRealTalk
#SystemFailure
#PlantillaPositionsNow
#StopVIPTreatment
#HospitalReality
#Tuguegarao
#OpenLetterToOfficials
#WagKami
No comments:
Post a Comment